233-ՐԴ ՀԱՆԴԻՊՈՒՄ

2017 թ-ի հոկտեմբերի 28-ին, շաբաթ օրը, Խաչատուր Աբովյանի անվան հայկական պետական Մանկավարժական համալսարանի գիտական գրադարանի հումանիտար գրականության ընթերցասրահի կոնֆերենց-դահլիճում տեղի ունեցավ «Չորեքշաբթի» գրական ակումբի 233–րդ հանդիպումը:

Տիգրան ՊետրոսՅանցը խոսեց հոկտեմբերի 27-ին գրադարանում կայացած Արթուր Օշականցու հետ կազմակերպված հանդիպման մասին:

Տիգրան ՊետրոսՅանցը ներկայացրեց «Չորեքշաբթի» գրական ակումբի հերթական «Չորեքշաբթի Ե/5/» գիրքը, որտեղ ներկայացվել են ակումբի անդամ 34 հեղինակների ստեղծագործություններ, ինչպես նաև երկու հեղինակների հայերենից ռուսերեն և ֆրանսերեն /տողացի/ թարգմանությունները:

Հանդիպման «Ստեղծագործական ժամացույց» բաժնում իրենց ստեղծագործությունները ներկայացրեցին Աննա Թադևոսյանը /«Վարդը»/, Վարդան Գրիգորյանը /«Խրոխտ զինվոր»/, Արմեն Գեորգե /«Սիրելիս»/, Իշխան Բադալյանը /«Հարուստը նա է», «Խորագետը»/, Հմայակ Մկրտչյանը /«Սպասում»/, Հասմիկ Իսրայելյանը /«Բիբլիական Արարատին»/, Գոհար Մարտիրոսյանը /«Երջանկությունը»/, Արմենուհի ԹամոՅանը /«Տխուր է», «Ամեն կին...», Խաչատուր Խաչատրյանը /«Ես...»/: Բոլոր ստեղծագործությունների շուրջ ծավալվեց օգտակար քննարկում:

«Մշակութային լուսանցք» բաժնում
- Արմենուհի ԹամոՅանը, Հմայակ Մկրտչյանը, Գոհար Մարտիրոսյանը առանձին-առանձին ներկայացրեցին հայրենասիրական, ազգագրական երգեր:

Հանդիպումն ամփոփեց Տիգրան ՊետրոսՅանցը:

Տաթև Ենոքյան
Լուսանկարները՝ Սյուզաննա ԱռաքելՅանի և հեղինակի