209-ՐԴ ՀԱՆԴԻՊՈՒՄ

2017 թ-ի մայիսի 6-ին, շաբաթ օրը, Խաչատուր Աբովյանի անվան հայկական պետական Մանկավարժական համալսարանի գիտական գրադարանի հումանիտար գրականության ընթերցասրահի կոնֆերենս-դահլիճում տեղի ունեցավ «Չորեքշաբթի» գրական ակումբի 209–րդ հանդիպումը:

Տիգրան ՊետրոսՅանցը շնորհավորեց բանաստեղծուհի Տալիթային /Ալբինա Գրիգորյան/ առաջին գրքի հրատարակության առիթով և մաղթեց ստեղծագործական հաջողություններ: Բանաստեղծուհին գրքի երկու օրինակ նվիրեց Մանկավարժական համալսարանի գրադարանին:

Հանդիպման «Ստեղծագործական ժամացույց» բաժնում իրենց նոր ստեղծագործությունները ներկայացրեցին Վարդան Գրիգորյանը /«Լուսատիտիկս»/, Իշխան Բադալյանը /քառյակներ/, Տալիթան /Տիգրան ՊետրոսՅանցի հետ կարդացին «Սա իմ կյանքն է» բանաստեղծությունը/, Աննա Թադևոսյանը /«Կախարդական թիկնոցը»/, Սյուզաննա ԱռաքելՅանը /«Անվերնագիր»/, Արմենուհի Թամոյանը /«Իմ Սևան»/, Անի Պետրոսեանը /«Անքնություն»/, Էլեն Մուշեղյանը /«Հայրենիքը...»/,: Բոլոր ստեղծագործությունների շուրջ ծավալվեց օգտակար քննարկում:

«Մշակութային լուսանցք» բաժնում Արմենուհի Թամոյանը, Սյուզաննա ԱռաքելՅանը, Տալիթան, Վարդան Գրիգորյանը կարդացին մեկական բանաստեղծություն:

Տաթև ԵնոքՅանը ասմունքեց Սիլվա Կապուտիկյանի մի բանաստեղծություն:

Արմենուհի Թամոյանը, Սյուզաննա ԱռաքելՅանը կատարեցին հայրենասիրական երգեր:

Հանդիպումն ամփոփեց Տիգրան ՊետրոսՅանցը:

Սյուզաննա ԱռաքելՅան
Լուսանկարները՝ Տաթև ԵնոքՅանի և հեղինակի