202-ՐԴ ՀԱՆԴԻՊՈՒՄ
2017 թ-ի մարտի 11-ին, շաբաթ օրը, Խաչատուր Աբովյանի անվան հայկական պետական Մանկավարժական համալսարանի գիտական գրադարանի հումանիտար գրականության ընթերցասրահի կոնֆերենս-դահլիճում տեղի ունեցավ «Չորեքշաբթի» գրական ակումբի 202–րդ հանդիպումը:
Տիգրան ՊետրոսՅանցը ներկայացրեց «Չորեքշաբթի» գրական ակումբի 4-ամյակի նախնական ծրագիրը: Հեռախոսով կապվեց Հայաստանի գրողների միության նախագահ Էդվարդ Միլիտոնյանի հետ և պայմանավորվեցին, որ միջոցառմանը կմասնակցի գրողների միության ներկայացուցիչը /նախագահը մասնակցելու թ հեռուստամարաթոնի/: Միջոցառման ժամանակ կկայանա «Չորեքշաբթի Դ» հատորի, ինչպես նաև երկու այլ գրքերի շնորհանդես, շնորհավորանքներ, ելույթներ, վկայականների հանձնում, ասմունք, երգ, պար: Վարդան Գրիգորյանն առաջարկեց 4-ամյակի առթիվ նաև պատվոգրեր հանձնել: Ծրագիրը ընդունվեց:
Հանդիպման «Ստեղծագործական ժամացույց» բաժնում իրենց նոր ստեղծագործությունները ներկայացրեցին Զարուհին /«Արդյոք շատ բան եմ խնդրում»/, Լուսինե Հարությունյանը /«Աչքերդ կարծես»/, Վարդան Գրիգորյանը /«Երանություն»/, Գայանե Ղազարյանը /«Թե գնում ես...»/, Արեվվան /«Անվերնագիր»/, Իշխան Բադալյանը /«Դու այսօր նորից ճամփա ես ելնում»/, Սյուզաննա Առաքելյանը /«Անվերնագիր»/, Մերի Թևոսյանը /«Հայուհին»/, Ոսկին /«Խոհեր»/, Էլիչկա Ծորմուտյանը /«Տաղանդս չհերքեց անգամ»/, Օֆելյա Սարգսյանը /«Արծիվը»/, Լիլիթ Ադամյանը /«Միակը» անգլերեն/, Տաթև Ենոքյանը /«Ժպտա»/, Արմենուհի Թամոյանը /«Անվերնագիր»/, Էվելինա Միրզոյանը /«Ես, դու, նա»/: Բոլոր ստեղծագործությունների շուրջ ծավալվեց օգտակար քննարկում:
«Մշակութային լուսանցք» բաժնում Արմենուհի Թամոյանը, Էլիչկա Ծորմուտյանը, Մերի Թորոսյանը, Վարդան Գրիգորյանը, Լուսինե Հարությունյանը կարդացին մեկական բանաստեղծություն:
Ոսկին, Մարգարիտա Պետրոսյանը, Լիլիթ Ադամյանը ասմունքեցին Համո Սահյանի, Պարույր Սևակի բանաստեղծություններից:
Չորսժամյա հանդիպումն ամփոփեց :
Սյուզաննա ԱՌԱՔԵԼՅԱՆ
Լուսանկարները՝ հեղինակի |
