186-ՐԴ ՀԱՆԴԻՊՈՒՄ
2016 թ-ի նոյեմբերի 12-ին, շաբաթ օրը, Խաչատուր Աբովյանի անվան հայկական պետական Մանկավարժական համալսարանի գիտական գրադարանի հումանիտար գրականության ընթերցասրահում տեղի ունեցավ «Չորեքշաբթի» գրական ակումբի 186–րդ հանդիպումը:
Տիգրան ՊետրոսՅանցը «Չորեքշաբթի» գրական ակումբի անդամների անունից ցավակցական և մխիթարական խոսք ուղղեց ակումբի անդամ Մարգարիտ Հովսեփյանին՝ հարազատների կորստի կապակցությամբ:
Հանդիպման «Ստեղծագործական ժամացույց» բաժնում իրենց նոր ստեղծագործությունները ներկայացրեցին Աննա Թադևոսյանը /«Փարոս»/, Վարդան Գրիգորյանը /«Արևի երկիր Արցախ»/, Լուսինե Հարությունյանը /«Երբ ես մեռնեմ...»/, Իշխան Բադալյանը /«Իզուր մի գոռա»/, Ոսկեհատ Սարիբեկյանը /«Եվ ոչ սկիզբ, և ոչ վերջ»/, Անահիտ Պապոյանը /«Ինչ իմանաս», «Կիսատ հեքիաթ»/, Սյուզաննա Առաքելյանը /«Այն ինչ սկսվեց ու չվերջացավ»/: Բոլոր ստեղծագործությունների շուրջ ծավալվեց օգտակար քննարկում:
Հանդիպման «Մշակութային լուսանցք» բաժինում Վարդան Գրիգորյանը, Ոսկեհատ Սարիբեկյանը կարդացին մեկական բանաստեղծություն:
Տաթև Ենոքյանը, Ոսկեհատ Սարիբեկյանը, Արեվվան, Հմայակ Մկրտչյանը կարդացին Վահան Տերյանի, Եղիշե Չարենցի, Պարույր Սևակի և Համո Սահյանի բանաստեղծություններից:
Հանդիպումն ամփոփեց Տիգրան ՊետրոսՅանցը: |
