183-ՐԴ ՀԱՆԴԻՊՈՒՄ
2016 թ-ի հոկտեմբերի 22-ին, շաբաթ օրը, Խաչատուր Աբովյանի անվան հայկական պետական Մանկավարժական համալսարանի գիտական գրադարանի հումանիտար գրականության ընթերցասրահում տեղի ունեցավ «Չորեքշաբթի» գրական ակումբի 183–րդ հանդիպումը:
Տիգրան ՊետրոսՅանցը շնորհավորեց «Չորեքշաբթի» գրական ակումբի անդամ Մելսիդա Հակունցին՝ Ամերիկայի հայ գրողների միության անդամ դառնալու համար:
Հանդիպման «Ստեղծագործական ժամացույց» բաժնում իրենց նոր ստեղծագործությունները ներկայացրեցին Արմեն Գևորգը /«Հույսը»/, Աիդա Ավդալյանը /«Իմ Անի»/, Մարգարիտ Հովսեփյանը /«Կռունկների երամը»/, Զարուհին /«Հերբարիում»/, Վարդան Գրիգորյանը /«Խառնակ գիշեր»/, Սևակ Հովհաննիսյանը /«Նա ով չի հասկանում»/, Իշխան Բադալյանը /«Մի նեղացիր»/, Աննա Թադևոսյանը /«Մորեխը»/, Սյուզաննա Առաքելյանը /«Ջեննի»՝ 2-րդ մաս/, Մելսիդա Հակունցը /«Երկար գիշեր»/, Ոսկեհատ Սարիբեկյանը /«Մարող աստղը»՝ 2-րդ մաս/, Տաթև Ենոքյանը /«Ժպտա, կյանքը գեղեցիկ է»/, Մարինե Հակոբյանը /«Մշուշից կարված հագուստով»/,: Բոլոր ստեղծագործությունների շուրջ ծավալվեց օգտակար քննարկում:
Հանդիպման «Մշակութային լուսանցք» բաժինում Արմենուհին, Վարդան Գրիգորյանը, Մարգարիտ Հովսեփյանը, Աիդա Ավդալյանը, Սևակ Հովհաննիսյանը, Զարուհին, Մելսիդա Հակունցը, Մարինե Հակոբյանը, Ոսկեհատ Սարիբեկյանը կարդացին մեկական բանաստեղծություն:
Տաթև Ենոքյանը և Ոսկեհատ Սարիբեկյանը կարդացին Պարույր Սևակի բանաստեղծություններից:
Արմենուհին, Մարի Արշակյանը, Ոսկեհատ Սարբեկյանը Սևակ Հովհաննիսյանի դաշնամուրային նվագակցությամբ կատարեցիմ հայրենասիրական երգեր:
Ազգագրական երգի անզուգական կատարումով աչքի ընկավ Մարինե Հակոբյանը:
Հանդիպումն ամփոփեց Տիգրան ՊետրոսՅանցը: |