175-ՐԴ ՀԱՆԴԻՊՈՒՄ
2016 թ-ի օգոստոսի 20-ին, շաբաթ օրը, Խաչատուր Աբովյանի անվան հայկական պետական Մանկավարժական համալսարանի գիտական գրադարանի հումանիտար գրականության ընթերցասրահում տեղի ունեցավ «Չորեքշաբթի» գրական ակումբի 175–րդ հանդիպումը:
«Չորեքշաբթի» գրական ակումբի անդամ Մարիամ Գրիգորյանը խոսեց Մոսկվա և Սանկտ-Պետերբուրգ կատարած գիտական և մշակութային այցի մասին:
Հանդիպման «Ստեղծագործական ժամացույց» բաժնում իրենց նոր ստեղծագործությունները ներկայացրեցին Ազնիվ Պետրոսյանը /«Հայաստան երկիր»/, Նելլի Ենոքյանը /«Կանգ չառնես»/, Աիդա Ավդալյանը /«Թյուրիմացաբար»/, Վարդան Գրիգորյանը /«Անի»/, Լուսինե Հարությունյանը /«Քո աչքերում»/, Սևակ Հովհաննիսյանը /«Այստեղ...»/, Իշխան Բադալյանը /«Մարինեին»/, Մարիամ Գրիգորյանը /«Ժամանակը»/ Վլադ Հախումյանը /«Կգամ մոտդ ու կմնամ»/, Տաթև Ենոքյանը /«Նամակ Սյուզիին»/, Մարգարիտ Հովսեփյանը /«Հայոց արծիվներ»/, Տիգրան ՊետրոսՅանցը /«Անի»/: Բոլոր ստեղծագործությունների շուրջ ծավալվեց օգտակար քննարկում:
Մարգարիտ Հովսեփյանը Մանկավարժականի գրադարանին նվիրեց իր օրերս տպագրված «Մոծակը» մանկական բանաստեղծությունների մի քանի օրինակ:
Տիգրան ՊետրոսՅանցը տեղեկատվություն հաղորդեց «Չորեքշաբթի Գ» գրքի մասին և նշեց, որ սեպտեմբերի 3-ի շաբաթ օրը գրքի տպագրված օրինակը կներկայացվի:
Հանդիպման «Մշակութային լուսանցք» բաժինում Վարդան Գրիգորյանը, Մարգարիտ Հովսեփյանը, Սյուզաննա Առաքելյանը, Ազնիվ Պետրոսյանը, Աիդա Ավդալյանը, Սևակ Հովհաննիսյանը, Տաթև Ենոքյանը ներկայացրեցին մեկական բանաստեղծություն:
Սյուզաննա Առաքելյանը կարդաց Ռուբեն Սևակի, Վլադ Հախինյանը՝ արցախցի բանաստեղծ Գաբրիելյանի ստեղծագործություններից: Վլադ Հախինյանը կատարեցին ազգագրական երգ:
Հանդիպումն ամփոփեց Տիգրան ՊետրոսՅանցը: |