165-ՐԴ ՀԱՆԴԻՊՈՒՄ
2016 թ-ի հունիսի 18-ին, շաբաթ օրը, Խաչատուր Աբովյանի անվան հայկական պետական մանկավարժական համալսարանի գիտական գրադարանի հումանիտար գրականության ընթերցասրահում տեղի ունեցավ «Չորեքշաբթի» գրական ակումբի 165–րդ հանդիպումը:
Հանդիպման «Ստեղծագործական ժամացույց» բաժնում իրենց նոր ստեղծագործությունները ներկայացրեցին Մարինե Հակոբյանը /«Քարավանս»/, Մարգարիտ Հովսեփյանը /«Հավիկներս»/, Սյուզաննա Առաքելյանը /«Զբոսանք»/, Վարդան Գրիգորյանը /«Սայաթ Նովա»/, Իշխան Բադալյանը /«Գալիս ես այն ժամ», «Ինչ է, չգիտես»/, Մարիամ Գրիգորյանը /«Անձրև»/, Տաթև Ենոքյանը /«Ուզում եմ»/, Ալ-Վարդը /Ալվարդ Հարությունյան, «Բաժակդ մոտ բեր»/, Զարուհին /«Հերթական կիրակին», «Մարիամ»/: Բոլոր ստեղծագործությունների շուրջ ծավալվեց օգտակար քննարկում:
Հանդիպմանը մասնակցեց և դստեր ստեղծագործությունները լսեց Զարուհու մայրը:
Տիգրան ՊետրոսՅանցը ներկայացրեց «Չորեքշաբթի Գ» գրքի տպագրության պայմանները:
Հանդիպման «Մշակութային լուսանցք» բաժինում Վարդան Գրիգորյանը, Մարինե Հակոբյանը ներկայացրեցին մեկական բանաստեղծություն: Տաթև Ենոքյանը կարդաց Համո Սահյանի Պարույր Սևակին նվիրված բանաստեղծությունը: Սյուզաննա Առաքելյանը, Նանա Մկրտչյանը, Հմայակ Մկրտչյանը, Մարին Հակոբյանը Սևակ Հովհաննիսյանի նվագակցությամբ կատարեցին Սայաթ Նովայի երգերից:
Հանդիպումն ամփոփեց Տիգրան ՊետրոսՅանցը: | 
