164-ՐԴ ՀԱՆԴԻՊՈՒՄ

2016 թ-ի հունիսի 11-ին, շաբաթ օրը, Խաչատուր Աբովյանի անվան հայկական պետական մանկավարժական համալսարանի գիտական գրադարանի հումանիտար գրականության ընթերցասրահում տեղի ունեցավ «Չորեքշաբթի» գրական ակումբի 164–րդ հանդիպումը:

Հանդիպման «Ստեղծագործական ժամացույց» բաժնում իրենց նոր ստեղծագործությունները ներկայացրեցին Մելսիդա Հակունցը /«Հայրենի սիրուն քաղաք», «Հիշում եմ սիրելդ»/, Ազնիվ Պետրոսյանը /«Հրաշք եմ ուզում»/, Անահիտ Պապոյանը /«Հարգանքի րոպե», «Անվերնագիր»/, Վարդան Գրիգորյանը /«Տխուր է»/, Իշխան Բադալյանը /«Երկնքի ձայնը», «Արթնացիր»/, Ալ-Վարդը /Ալվարդ Հարությունյան, «Անվերնագիր», «Իմ ծիծաղի մեջ»/, Աննա Թադևոսյանը /«Թիթեռը»/, Սյուզաննա Առաքելյանը /«Կարոտել եմ քեզ», «Նոր սեր»/, Էվելինա Միրզոյանը /«Հնչյուններով դանդաղ»/, Տեր Մեսրոպ քահանա Հունանյանը /«Սիրո ճանապարհի մասին»/, Զարուհին /«Անվերնագիր», «Երեք խնձոր»/: Բոլոր ստեղծագործությունների շուրջ ծավալվեց օգտակար քննարկում:

Հանդիպման մասնակիցներին ներկայացավ բանաստեղծուհի Աիդա Ավդալյանը: Նա խոսեց իր մասին և կարդաց իր «Սրբացած սրբեր» բանաստեղծությունը:

Տիգրան ՊետրոսՅանցը էկրանի վրա ներկայացրեց «Չորեքշաբթի Գ» գրքի վերջնական պատրաստի տարբերակը:

Հանդիպման «Մշակութային լուսանցք» բաժինում Վարդան Գրիգորյանը, Ազնիվ Պետրոսյանը, Անահիտ Պապոյանը, Իշխան Բադալյանը ներկայացրեցին մեկական բանաստեղծություն: Տաթև Ենոքյանը կարդաց Պարույր Սևակի «Անջատում» բանաստեղծությունը: Սյուզաննա Առաքելյանը կատարեց երկու ազգագրական երգը:

Հանդիպումն ամփոփեց Տիգրան ՊետրոսՅանցը: