161-ՐԴ ՀԱՆԴԻՊՈՒՄ

2016 թ-ի մայիսի 21-ին, շաբաթ օրը, Խաչատուր Աբովյանի անվան հայկական պետական մանկավարժական համալսարանի գիտական գրադարանի հումանիտար գրականության ընթերցասրահում տեղի ունեցավ «Չորեքշաբթի» գրական ակումբի 161–րդ հանդիպումը:

Տիգրան Պետրոսյանցը «Չորեքշաբթի» գրական ակումբի անդամներ Լիլիթ Ավագյանին, Սիլվա Գևորգյանին, Հասմիկ Հովսեփյանին շնորհավորեց բակալավրը, Գայանե Գենջոյանին՝ մագիստրատուրան հաջողությամբ ավարտելու համար:

Տիգրան ՊետրոսՅանցը խոսեց նախորդ շաբաթ ստեղծված «ԶՈՐԱՎԱՐ» հայրենասիրական-կամավորական ջոկատի մասին, որի անդամների հիմնական մասը «Չորեքշաբթի» գրական ակումբի անդամներ են: Նա նշեց, որ Հայրենիք, հայրենասիրություն եզրույթներն անբաժան են ստեղծագործական մտածողությունից և ստեղծագործողները պարտավոր են հոգով ու մարմնով ապրելու Հայրենիքի պաշտպանի զգացողությունն ու այդ աշխատանքի ծանրությունը՝ այն վերակերտելու պարագային:

Հանդիպման «Ստեղծագործական ժամացույց» բաժնում իրենց նոր ստեղծագործությունները ներկայացրեցին Գայանե Ղազարյանը /«Ուզում եմ»/, Մարգարիտ Հովսեփյանը /«Ապրիլ էր»/, Ազնիվ Պետրոսյանը /«Իմ Հայոց լեռներ»/, Անահիտ Պապոյանը /«Փակիր աչքերդ»/, Վարդան Գրիգորյանը /«Մարդուն պետք է»/, Զարուհին /«Միասին», «Փոքրիկ սուտասան»/, Լուսինե Հակոբյանը /«Ծխիր»/, Մհեր Խեչոյանը /«Հայոց բանակին»/, Մարինե Հակոբյանը /«Թշնամուն»/, Հասմիկ Բաբաջանյանը /«Իրականում»/, Մադոննա Մարտիրոսյանը /«Իմ լավ ընկեր»/, Տարոն Գրիգորյանը /«Քչություն»/, Տաթև Ենոքյան /«Խուճուճ մտքեր»/, Սյուզաննա Առաքելյանը /«Սերս ձեզ նվեր»/: Բոլոր ստեղծագործությունների շուրջ ծավալվեց օգտակար քննարկում:

Հանդիպման երկրորդ բաժնում Տիգրան ՊետրոսՅանցը էկրանին ցուցադրեց «Չորեքշաբթի Գ» /երրորդ/ մակետը: Գիրքը գրեթե պատրաստ է տպագրության:

Տիգրան ՊետրոսՅանցը ջերմորեն շնորհավորեց ակումբի անդամ Տիրուհի Սիրեկանյանին ամուսնության առթիվ և բաժակ բարձրացրեց նրա համար:

Հանդիպման «Մշակութային լուսանցք» բաժինում Վարդան Գրիգորյանը, Զարուհին, Մարինե Հակոբյանը ներկայացրեցին մեկական բանաստեղծություն: Տաթև Ենոքյանը կարդաց Եղիշե Չարենցի բանաստեղծություններից մեկը: Լիլիթ Ավագյանը դաշնամուրով կատարեց հայկական երգ: Վարդան Գրիգորյանը, Մարինե Հակոբյանը, Լուսինե Հակոբյանը, Մարգարիտ Հովսեփյանը կատարեցին մի քանի ժողովրդական և կատակերգեր:

Հանդիպումն ամփոփեց Տիգրան ՊետրոսՅանցը: