Շնորհանդես
149-ՐԴ ՀԱՆԴԻՊՈՒՄ
2016 թ-ի մարտի 5-ին, շաբաթ օրը, Խաչատուր Աբովյանի անվան հայկական պետական մանկավարժական համալսարանի գիտական գրադարանի հումանիտար գրականության ընթերցասրահում տեղի ունեցավ «Չորեքշաբթի» գրական ակումբի 149–րդ հանդիպումը:
Հնադիպումն ամբողովին նվիրվեց ակումբի անդամ, Մանկավարժական համալսարանի շրջանավարտ Վարդան Գրիգորյանի «ԼՈՒՍՆԹԱԳ» գրքի շնորհանդեսին:
Հանդիպումը «Հայր մեր» աղոթքով և պահպանիչ խոսքով սկսեց Մայր Աթոռի միաբան, Հայր Թորգոմ վարդապետ Տոնիկյանը:
Բացման խոսք ասաց ՀՊՄՀ գիտական գրադարանի տնօրեն, «Չորեքշաբթի» գրական ակումբի հիմնադիր Տիգրան ՊետրոսՅանցը:
«ԼՈՒՍՆԹԱԳ» գրքի մասին հանգամանալից խոսք ասաց և հեղինակին հաջողություններ մաղթեց Հովհաննես Պապիկյանը:
«ԼՈՒՍՆԹԱԳ» գրքի ծնունդը շնորհավորեցին հեղինակի ընկերները՝ Ադամ Ադամյանը, Արամ Թորգոմյանը, Վրեժ Համբարձումյանը, Գայանե Հարությունյանը, Անահիտը, Սիմոն Սիմոնյանը, «Չորեքշաբթի» գրական ակումբի անդամներ Արմենուհին, Հասմիկ Բաբաջանյանը, Ազնիվ Պետրոսյանը, Մարիամա Պետրոսյանը /Արցախի կառույցի կողմից/: Շնորհավորանքի խոսքից հետո հեղինակին երգով ողջունեց Արսեն Համբարյանը: Անմիջական ու ջերմ խոսքով հորը շնորհավորեց հեղինակի որդին՝ Կարենը: Վարդան Գրիգորյանին նոր հաջողությունների, նոր գրքերի մաղթանք հղեց Հայր Թորգոմ վարդապետ Տոնիկյանը:
«Չորեքշաբթի» գրական ակումբի հիմնադիր Տիգրան ՊետրոսՅանցը ակումբի անդամի վկայական հանձնեց Արսեն Համբարյանին:
Ջերմ խոսքով հանդիպման մասնակիցներին շնորհակալություն հայտնեց Վարդան Գրիգորյանը:
Հանդիպումն ամփոփեց Տիգրան ՊետրոսՅանցը: | 
