147-ՐԴ ՀԱՆԴԻՊՈՒՄԸ
2016 թ-ի փետրվարի 27-ին, շաբաթ օրը, Խաչատուր Աբովյանի անվան հայկական պետական մանկավարժական համալսարանի գիտական գրադարանի հումանիտար գրականության ընթերցասրահի փոքր դահլիճում տեղի ունեցավ «Չորեքշաբթի» գրական ակումբի հերթական 147-րդ հանդիպումը:
Տիգրան ՊետրոսՅանցը «Չորեքշաբթի» գրական ակումբի անդամի վկայական հանձնեց Մադոննա Մարտիրոսյանին:
Տիգրան ՊետրոսՅանցը ներկայացրեց ակումբի նորեկ, Մանկավարժական համալսարանի բանասիրական ֆակուլտետի շրջանավարտ, Արտաշավան գյուղի դպրոցի ուսուցչուհի Անահիտ Պապոյանին:
Հանդիպման «Ստեղծագործական ժամացույց» բաժնում իրենց նոր ստեղծագործությունները ներկայացրեցին Մարինե Հակոբյանը /«Պատգամ հայ երիտասարդներին»/, Մարգարիտ Հովսեփյանը /«Արջն ու մեղուն»/, Մադոննա Մարտիրոսյանը /«Իմ զինվոր եղբայրներ»/, Վարդան Գրիգորյանը /«Կամենում էի»/, Անահիտ Պապոյանը /«Որբուկս», «Կենաց ասելիս»/, Աննա Թադևոսյանը /«Նրա բուրմունքը»/, Իշխան Բադալյանը /10 մեկ տողանոց բանաստեղծություն/, Հմայակ Մկրտչյանը /«Վերջին մարդը»/, Մելսիդա Հակունցը /«Ծիծաղ»/, Անի Պետրոսյանը /«Ես ոտքից չեմ կաղում»/, Ազնիվ Պետրոսյանը /«Թուրքերին»/, Հասմիկ Բաբաջանյանը /«Մարտ»/, Աստղիկ Հակոբյանը /«Հոգու մեղեդի»/, Մարիամ Գևորգյանը /կարդաց Նանա Մկրտչյանի «Իմ մանկության գնդակը» էսսեն/: Բոլոր ստեղծագործությունների շուրջ ծավալվեց օգտակար քննարկում:
Հանդիպման «Մշակութայի լուսանցք» բաժնում Մարինե Հակոբյանը, Մելսիդա Հակունցը, Վարդան Գրիգորյանը, Հմայակ Մկրտչյանը կարդացին իրենց, Վահե Խալաֆյանը՝ Գայանե Մկրտչյանի մեկական բանաստեղծություն:
Հմայակ Մկրտչյանը կատարեց Մոնթե Մելքոնյանին նվիրված երգ:
Հանդիպումն ամփոփեց Տիգրան ՊետրոսՅանցը: |