141-ՐԴ ՀԱՆԴԻՊՈՒՄԸ
2016 թ-ի հունվարի 16-ին, շաբաթ օրը, Խաչատուր Աբովյանի անվան հայկական պետական մանկավարժական համալսարանի գիտական գրադարանի հումանիտար գրականության ընթերցասրահի փոքր դահլիճում տեղի ունեցավ «Չորեքշաբթի» գրական ակումբի հերթական 141-րդ հանդիպումը:
Տիգրան ՊետրոսՅանցը հանդիպման սկզբում խոսեց «Չորեքշաբթի» գրական ակումբի կանոնակարգի մասին /այն էլեկտրոնային նամակի տեսքով ուղարկվել է ակումբի բոլոր անդամներին/: Նա նշեց, որ եռամյա ժամկետը բավարար է, որ «Չորեքշաբթի» գրական ակումբը ունենա նաև կանոնակարգ, որով կկանոնակարգվեն ակումբի աշատանքները: Կանոնակարգի վերջին՝ 11-րդ կետով սահմանվել է, որ ակումբի անդամները մեկ անգամ վճարեն 1000 դրամ մուտքի վճար և տարեկան մեկ անգամ 2000 դրամ անդամավճար: Այդ գումարները կծառայեն տպագրական գործընթացներին:
Տիգրան ՊետրոսՅանցը էկրանի վրա ներկայացրեց «Չորեքշաբթի» գրական ակումբի «Չորեքշաբթի Բ» գիրքը: Հանդիպման մասնակիցների ներկայությամբ նա գրքից հանեց 15 հեղինակների գործեր /ֆինանսական մուծում չկատարելու համար/:
Տիգրան ՊետրոսՅանցը ակումբի անդամության վկայական հանձնեց Մարինե Հակոբյանին:
Տիգրան ՊետրոսՅանցը ներկայացրեց ակումբի նոր անդամ, Մանկավարժական համալսարանի 2005 թվականի շրջանավարտ, Երանի Հերացու անվան ավագ դպրոցի գրադարանավար Հասմիկ Բաբաջանյանին:
Հանդիպման «Ստեղծագործական ժամացույց» բաժնում իրենց նոր ստեղծագործությունները ներկայացրեցին Մարինե Հակոբյանը /«Բարություն»/, Մարգարիտ Հովսեփյանը /«Փոքրիկ գայը»/, Սիլվա Գևորգյանը /«Արցունքներս հանդիսատես չեն սիրում»/, Սևակ Հովհաննիսյանը /«Դահուկները»/, Վարդան Գրիգորյանը /«Հարատև մնաք»/, Իշխան Բադալյանը /«Եղանակի այս հերթափոխում», «Համբերությունը կյանք է»/, Աննա Թադևոսյանը /«Միջակետ»/, Լուսինե Հակոբյանը /«Դու ծիածանի ութերորդ գույնն ես», «Բարև»/, Ալ-Վարդը /«Որքան էլ խոսեն», «Գուշակ-գուշակ»/, Մարիամ Գրիգորյան /«Օրերը»/: Բոլոր ստեղծագործությունների շուրջ ծավալվեց օգտակար քննարկում:
Հանդիպման «Մշակութայի լուսանցք» բաժնում Մարինե Հակոբանը, Վարդան Գրիգորյանը կարդացին մեկական բանաստեղծություն, Ալ-Վարդը և Սևակ Հովհաննիսյանի կատարեցին դաշնամուրային մի քանի համար, Մարգարիտա Հովսեփյանը և Մարինե Հակոբյանը կատարեցին մեկական երգ:
Հանդիպումն ամփոփեց Տիգրան ՊետրոսՅանցը:
| 
