140-ՐԴ ՀԱՆԴԻՊՈՒՄԸ
2016 թ-ի հունվարի 9-ին, շաբաթ օրը, Խաչատուր Աբովյանի անվան հայկական պետական մանկավարժական համալսարանի գիտական գրադարանի հումանիտար գրականության ընթերցասրահի փոքր դահլիճում տեղի ունեցավ «Չորեքշաբթի» գրական ակումբի 2016 թվականի առաջին և հիմնադրման օրվանից հերթական 140-րդ հանդիպումը:
Տիգրան ՊետրոսՅանցը հանդիպման սկզբում շնորհավորեց հանդիպման մասնակիցներին Նոր՝ 2016 թ-ի առթիվ և մաղթեց ստեղծագործական հաջողություններ նոր տարում: Նա խոսեց 2015 թ-ի պլանների մասին, ներկայացրեց կատարված բազմաբնույթ աշատանքները, որոնք իրականացվել են 2015 թ-ին: Դրան հաջորդեց 2016 թ-ի աշխատանքային պլանի նախագծի քննարկումը: Եղան մի շարք առաջարկներ՝ այցելություններ Արմտյան Հայաստան, Ջավախք, Գյումրի, Թալինում գտնվող ֆիդայական պատմության թանգարան, ինչպես նաև հանդիպում Երևանի բուհական և պետական մեծ գրադարանների տնօրենների հետ: Քննարկումներից հետո պլանին հավանություն տրվեց:
Տիգրան ՊետրոսՅանցը ջերմորեն շնորհավորեց ակումբի անդամ Սոֆի Գրիգորյանին և հանձնեց ակումբի անդամության վկայական:
Տիգրան ՊետրոսՅանցը ներկայացրեց ակումբի նոր անդամներ վանաձորցի Ազնիվ Պետրոսյանին և Երևանի պետական համալսարանի բանասիրական ֆակուլտետի առաջին կուրսի ուսանող Գոհար Վահանյանին:
Հանդիպման «Ստեղծագործական ժամացույց» բաժնում իրենց նոր ստեղծագործությունները ներկայացրեցին Մարինե Հակոբյանը /«Կոչ»/, Մարգարիտ Հովսեփյանը /«Նոր տարի»/, Սևակ Հովհաննիսյանը /«Լեռներն իրենց մասին պատմում են»/, Վարդան Գրիգորյանը /«Խոհեր երեկոյից»/, Արմեն Գևորգը /«Իմ Հայաստան»/, Հրաչյա Հարությունյանը /«Հայոց լեռնաշխարհ»/, Իշխան Բադալյանը /«Լսում ես, աշխարհ», «Հզոր ես դու, Հայաստան», «Գրիգոր Նարեկացի»/, Էվելինա Միրզոյանը /«Ազատ է սիրտս»/, Սոֆի Գրիգորյանը /«Պոետի անկումը», «Եկ լռենք, հոգիս»/, Ավետիք Կարճիկյանը /«Դիտակետում», «Բաժակս լի էր դառնությամբ»/, Արմենուհին /Արմենուհի Մելքոնյան, «Իմ նամակը Ձմեռ պապին»/, Հմայակ Մկրտչյանը /«Հողագործները»/, Մելսիդա Հակունցը /«Փշրված ժպիտ», «Բարի Ամանոր»/. Ազնիվ Պետրոսյանը /«Իմ հայ երազ», «Արարատին»/, Զարուհին /«Ամանորյա», «Ադրենալին»/, Գոհար Վահանյանը /«Ես որոշել եմ քարոզիչ դառնալ», «Ու ես գիտեմ»/: Բոլոր ստեղծագործությունների շուրջ ծավալվեց օգտակար քննարկում:
Հանդիպման «Մշակութայի լուսանցք» բաժնում Մարինե Հակոբանը, Վարդան Գրիգորյանը, Մելսիդա Հակունցը կարդացին իրենց մեկական բանաստեղծություն: Այնուհետև Սևակ Հովհաննիսյանի դաշնամուրային նվագակցությամբ Արմեն Գևորգը, Արմենուհին, Հմայակը, Վահագնը, Մարգարիտա Հովսեփյանը, Մարինե Հակոբյանը, Ազնիվ Պետրոսյանը կատարեցին մեկ տասնյակից ավելի լիրիկական, ժողովրդական և հայրենասիրական երգեր:
Այդ ընթացքում հավաքի մասնակիցները նաև գինեձոն արեցին Նոր տարուն և միմյանց մաղթեցին լավ Նոր տարի:
Հանդիպումն ամփոփեց Տիգրան ՊետրոսՅանցը: |