ԱՐՄԵՆՈՒՀԻՆ
ԻՍԱՀԱԿՅԱՆԻ ԱՆՎԱՆ ԳՐԱԴԱՐԱՆՈՒՄ
Խաչատուր Աբովյանի անվան հայկական պետական մանկավարժական համալսարանի կրթության հոգեբանության և սոցիոլոգիայի ֆակուլտետի մանկավարժություն և հոգեբանություն բաժնի 3-րդ կուրսի ուսանողուհի, «Չորեքշաբթի» գրական ակումբի անդամ Արմենուհին /Արմենուհի Մելքոնյան/ հյուրընկալվեց Ավետիք Իսահակյանի անվան քաղաքային գրադարանի տնօրեն Հասմիկ Կարապետյանին և գրադարանին նվիրեց իր օրերս հրատարակված «Սրտաշունչ արշալույս» գիրքը:
Նման պահը անմոռանալի ու կարևորագույն է ցանկացած հեղինակի կյանքում, իսկ առաջին գրքի հեղինակի համար առավել ևս:
Հասմիկ Կարապետյանը, որ տասնամյակների ընթացքում այսպիսի հազարավոր պահեր է ապրել, Արմենուհուն հաջողություն մաղթեց և նոր գրքեր հրատարակելու ու դրանք գրադարանին նվիրելու պատվիրան տվեց: |