104-ՐԴ ՀԱՆԴԻՊՈՒՄԸ
2015 թ-ի օգոստոսի 1-ին, շաբաթ օրը, Խաչատուր Աբովյանի անվան հայկական պետական մանկավարժական համալսարանի գիտական գրադարանի «Չորեքշաբթի» գրական ակումբն անցկացրեց 104-րդ հանդիպումը:
Տիգրան ՊետրոսՅանցը նշեց, որ 2013 թ-ի մարտի 14-ին Խաչատուր Աբովյանի անվան հայկական պետական մանկավարժական համալսարանի գիտական գրադարանի «Չորեքշաբթի» գրական ակումբը գումարեց իր առաջին հանդիպումը և մինչև 2015 թ-ի օգոստոս ամիսը կազմակերպեց 103 հանդիպում՝ ամբողջովին անցնելով կայացման փուլը:Այդ ընթացքում դառնալով «Զորավար» բարեգործական հիմնադրամի մաս «Չորեքշաբթի» գրական ակումբը անցում է կատարում ինստիտուցիոնալ զարգացման հաջորդ աստիճանը դառնալով գրական կազմակերպություն: Ստեղծվել է գրական կառույցի անդամության վկայական, որ առայժմ ստանալու են 70 ակումբականներ Հայաստանում և Արցախում: Մեկ վկայական հանձնվել է ակումբի արտասահմանյան անդամ, Հունաստանի Սալոնիկ քաղաքի բնակիչ Մարգո Մնացականյանին:
Տիգրան ՊետրոսՅանցը վկայականներ հանձնեց Գուրգեն Հարությունյանին, Լիլիթ Ավագյանին, Ալ-Վարդին /Ալվարդ Հարությունյան/, Արմենուհի Մելքոնյանին, Մարգարիտա Հովսեփյանին, Միշա Շահինյանին, Իշխան Բադալյանին:
Հանդիպման «Ստեղծագործական ժամացույց» բաժնում իրենց նոր ստեղծագործությունները կարդացին Լիլիթ Ավագյանը /«Երջանկություն»/, Ալ-Վարդը /«Երջանկություն»/, Արմենուհի Մելքոնյանը /«Հայացքդ»/, Միշա Շահինյանը /«Ես երազում եմ»/, Մարգարիտա Հովսեփյանը /«Զայրացած արքան»/, Իշխան Բադալյանը /«Գլուխդ»/: Բոլոր ստեղծագործությունների շուրջ ծավալվեց օգտակար քննարկում:
«Մշակութային լուսանցք» բաժնում Արմենուհի Մելքոնյանը և Միշա Շահինյանը երգեցին Նժդեհին ձոնված երգը:
Հանդիպումն ամփոփեց Տիգրան ՊետրոսՅանցը: |