ՀԱՆԴԻՊՈՒՄ ԱՌԱՋԻՆ ԿՈՒՐՍԵՑԻՆԵՐԻ ՀԵՏ
Խաչատուր Աբովյանի անվան հայկական պետական մանկավարժական համալսարանի Սկզբնական կրթության ֆակուլտետի առաջին կուրսեցիների հետ հանդիպումից հետո, հումանիտար գրականության ընթերցասրահում հանդիպում կազմակերպվեց Կենսաբանության, քիմիայի և աշխարհագրության ֆակուլտետի առկա բաժնի առաջին կուրսեցիների հետ:
Գիտական գրադարանի տնօրեն Տիգրան ՊետրոսՅանցը համառոտ ներկայացրեց գրադարանի պատմությունը, խոսեց ներկա փուլում ձեռքբերումների, անելիքների մասին: Նա առաջին կուրսեցիներին ներկայացրեց գրադարանի այն հնարավորությունները, որով գրադարանը նպաստելու է ուսանողներին առաջիկա վեց տարիներին, ուսումնառության ամբողջ ժամանակում, հիմնարար գիտելիքներ ստանալու գործում: Ուսանողներին ներկայացվեցին ինչպես դասական գրքային պաշարներից օգտվելու ձևերը, այնպես էլ գրադարանի էլեկտրոնային հնարավորությունները: Անմիջապես էկրանի վրա ցուցադրվեց գրադարանի էլեկտրոնային շտեմարանը, այդտեղ իրենց ապագա մասնագիտությունների՝ կենսաբանություն, էկոլոգիա, քիմիա, աշխարհագրություն մասնագիտությունների մասին էլեկտրոնային գրքերն ու ուսումնական ձեռնարկները, դրանցից թե տեղում, թե հեռավար օգտվելու ձևերը:
Հանդիպումների այս շարքը թույլ է տալու, որ առավել կենսունակ դռնա գրադարան-ուսանող կապը: Հանդիպումներ կկազմակերպվեն նաև մյուս ֆակուլտետների առաջին կուրսեցիների հետ: |