97-ՐԴ ՀԱՆԴԻՊՈՒՄԸ
Հիշողության լուսանկար
2015 թ-ի հունիսի 6-ին, շաբաթ օրը, Խաչատուր Աբովյանի անվան հայկական պետական մանկավարժական համալսարանի գիտական գրադարանի «Չորեքշաբթի» գրական ակումբն անցկացրեց 97-րդ հանդիպումը:
Թեև որոշ դադարից հետո «Չորեքշաբթի» գրական ակումբը դեռևս անցած շաբաթ էր հանդիպում կազմակերպել, բայց իրական, աշխատանքային ու հագեցած հանդիպումը կայացավ հունիսի 6-ին:
Տիգրան ՊետրոսՅանցը խոսեց բաց թողնված ժամանակում տեղի ունեցած հանդիպումների, միջոցառումների մասին: Նա ներկայացրեց վերջերս հրատարակված «Անցյալը չի լռում...» գրական ժողովածուն և շնորհավորեց Մարգարիտ Հովսեփյանին, Իշխան, Մարինե Բադալյաններին, որոնց ստեղծագործություններն ընդգրկվել են ժողովածուի մեջ: Մարգարիտ Հովսեփյանը կրկնակի շնորհավորանք ստացավ իր հրատարակած վիպակի համար:
Տիգրան ՊետրոսՅանցը շնորհավորեց Աշխեն Մելքումյանին մագիստրատուրան ավարտելու, Էվելինա Միրզոյանին՝ բակալավրիատն ավարտելու, Նանա Մկրտչյանին՝ 12-րդ դասարանն ավարտելու առթիվ և նրանց նվերներ հանձնեց:
Տիգրան ՊետրոսՅանցը ներկայացրեց ակումբի նորեկ, ՀՊՄՀ բանասիրական ֆակուլտետի ուսանող Արմինե Կարապետյանին:
Տիգրան Պետրոսյանցը խոսեց «Հայաստան, Հայրենիք, Երիտասարդություն, Պատասխանատվություն» թեմայով և պատասխանեց բազմաթիվ հարցերի:
Այնուհետև Հայաստանի ագրարային համալսարանի 3-րդ կուրսի ուսանող Մհեր Խեչոյանը, Երևանի պետական համալսարանի լրագրության ֆակուլտետի ուսանող Ալ-Վարդը /Ալվարդ Հարությունյան/, ՀՊՄՀ ուսանողներ Վարդ Կարապետյանը, Լիան Մանուկյանը, Անուշավան Հովսեփյանը, Միշա Թադևոսյանը, շրջանավարտ-մագիստրոս Աշխեն Մելքումյանը, ավագ դպրոցի շրջանավարտ Նանա Մկրտչյանը խոսեցին անցած երկու ամսում կատարած աշխատանքների, ստեղծագործական ձեռքբերումների մասին:
Հանդիպման «Ստեղծագործական ժամացույց» բաժնում իրենց նոր ստեղծագործությունները կարդացին Արմինե Կարապետյանը, Անուշավան Հովսեփյանը, Մհեր Խեչոյանը, Ալ-Վարդը, Հրաչյա Հարությունյանը, Իշխան Բադալյանը: Բոլոր ստեղծագործությունների շուրջ ծավալվեց օգտակար քննարկում:
Հանդիպման «Մշակութային լուսանցք» բաժնում Վարդ Կարապետյանը ներկայացրեց մեկ երգ:
Հանդիպումն ամփոփեց Տիգրան ՊետրոսՅանցը: |