Հայաստանի անկախության վերակերտման 100-ամյակ
«ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ 100»

Խաչատուր Աբովյանի անվան Մանկավարժական համալսարանի գիտական գրադարանի հումանիտար գրականության ընթերցասրահում «Հայաստանի անկախության վերակերտման 100-ամյակ» ծրագրի շրջանակում բացվել է «Հայաստանի Հանրապետություն 100» գրքային ցուցահանդեսը: 
Ցուցավահանակում ներկայացված են Հայաստանի Հանրապետության /1918-1921/ պատմությանը, քաղաքական ու ռազմական գործիչներին նվիրված 150-ից ավելի գիտական մենագրություն, հուշ, գեղարվեստական գիրք: 
Ներկայացված են Սարդարապատի, Ապարանի, Վանաձորի հերոսամարտերի մասին պատմող Հարություն Թուրշյանի, Տիգրան ՊետրոսՅանցի, Վիկտոր Դալլաքյանի գրքերը: 
Առանձին ներկայացված են Հայաստանի Հանրապետության հիմնադիր Արամ Մանուկյանին նվիրված Արմեն Ասրյանի կենսագրական գրքերը, Արամի գործունեության մասին պատմող փաստաթղթերի, նրա մասին գրված հիշողությունների ժողովածուներ:
Ցուցադրությունում տեղ են գտել Անկախություն կերտած գործչների՝ Սիմոն Վրացյանի, Հովհաննես Քաջազնունու, Ռուբենի ստեղծագործությունները, Դրաստամատ Կանայանի, Անդրանիկ Զորավարի, Գարեգին Նժդեհի մասին պատմող գրքերը:

Աննա Մարտիրոսյան
գրադարանի ընթերցասրահների բաժնի վարիչ