ՀԱՅՈՑ ՍԱՀՄԱՆԱԴՐՈՒԹՅՈՒՆԸ
Խաչատուր Աբովյանի անվան հայկական պետական մանկավարժական համալսարանի գիտական գրադարանում մշտապես ներկայացվում են պետության կարևորագույն խորհրդանիշերը:
Հուլիսի 5-ի՝ Հայաստանի Երկրորդ Հանրապետության օրվա նախօրյակին հումանիտար գրականության ընթերցասրահի ցուցավահանակին բացվել է «Հայոց սահմանադրությունը» ցուցադրությունը:
Հայոց Եռագույն դրոշի հովանու տակ ցուցադրության են դրված Սահմանադրության 2003, 2005, 2013 թվականներին հրատարակված օրինակները:
Ցուցադրվում են նաև Վաչագան թագավորի 1500-ամյա Սահմանադրությունը, Մխիթար Գոշի «Գիրք Դատաստանի», Սմբատ Իշխանի /գունդստաբլ/ «Դատաստանագիրք» /հրատարակված 1918 թ-ին/, Ասորական Դատաստանագիրք /հրատարակված 1917 թ-ին/, «Դատաստանագիրք Աստրախանի Հայոց», «Նոր տետրակ, որ կոչի Յորդորակ» գրքերը: |
