2011 ԹՎԱԿԱՆԻ ՑՈՒՑԱՆԻՇՆԵՐՈՎ ՀՊՄՀ ԳԻՏԱԿԱՆ ԳՐԱԴԱՐԱՆԸ ԲՈՒՀԱԿԱՆ ՀԱՄԱԿԱՐԳՈՒՄ ԱՌԱՋԻՆՆ Է
Հայաստանի ազգային գրադարանը հրատարակել է ՛՛Հայաստանի գրադարանները. 2011՛՛ գիրքը: Այն ամփոփում է Հայաստանի գրադարանային համակարգի 2011 թվականի վիճակագրական տվյալները: Գրքում առանձին բաժնով ներկայացվել են հանրապետության 16 պետական բուհերի 2011 թվականի ցուցանիշները: Վիճակագրական ցուցանիշներով ՀՊՄՀ գիտական գրադարանը զբաղեցնում է առաջին հորիզոնականը: Գրադարանային հիմնական ցուցանիշների համաձայն 2011 թվականին գրադարանն ունեցել է 16.596 ընթերցող և տարվա ընթացքում ապահովել է տպագիր միավորի 2.206.622 տացք /շրջանառություն/: Երկրորդ հորիզոնականը զբաղեցնում է Երևանի պետական համալսարանի Սարգիս և Մարի Իզմիրլյանների անվան գիտական գրադարանը /15.000 ընթերցող, 1.900.610 տացք/: Երրորդ հորիզոնականում է Մխիթար Հերացու անվան պետական բժշկական համալսարանը /5650 ընթերցող, 185.467 տացք/: Վիճակագրության համաձայն ՀՊՄՀ գիտական գրադարանը Հայաստանի հանրային բնույթի գրադարանների ցուցանիշների համեմատությամբ նույնպես առաջնային տեղ է զբաղեցնում: Եթե ընթերցողների թվով զիջում է Հայաստանի ազգային գրադարանին /ունի 26.710 ընթերցող/ և ՀՀ Գիտությունների ազգային ակադեմիայի հիմնարար գիտական գրադարանին /18.850 ընթերցող/, ապա նրանց գերազանցում է տպագիր արտադրանքի տացքով:Հայաստանի ազգային գրադարանի տացքը գերազանցում է 622.811 միավորով, ՀՀ ԳԱԱ հիմնարար գիտական գրադարանի տացքը՝ 1.496.622 միավորով:
