ՈՒԹԵՐՈՐԴ ԴԱՍԱՐԱՆՑԻՆԵՐԸ ԳՐԱԴԱՐԱՆՈՒՄ
Խաչատուր Աբովյանի անվան Մանկավարժական համալսարանի պատմության և իրավագիտության ֆակուլտետի հասարակագիտության բաժնի հեռակա 3-րդ և իրավագիտության բաժնի հեռակա 4-րդ կուրսի ուսանողները մանկավարժական փորձաշրջան են անցկացնում Երևանի Գագիկ Ստեփանյանի անվան հիմնական դպրոցում:
Օրերս ֆակուլտետի դասախոս, փորձաշրջանի ղեկավար Աիդա Կոծինյանի, ուսանողներ Նարեկի, Մարիամի, Թաթուլի, Սյուզաննայի, Մանուկի ուղեկցությամբ Մանկավարժական համալսարան այցելեցին դպրոցի 8-րդ դասարանի աշակերտները:
Նրանք նախ այցելել էին համալսարանի պատմության թանգարան:
Նրանց սիրով ընդունեցին նաև գիտական գրադարանի հումանիտար գրականության ընթերցասրահում: Գիտական գրադարանի տնօրեն Տիգրան Պետրոսյանցը խոսեց գրքի, գրականության մասին, պատմեց Մանկավարժական համալսարանի գրադարանի, գրապաշարի, էլեկտրոնային հնարավորությունների մասին: Նա հետաքրքրվեց աշակերտների նախասիրությունների, մասնագիտական հետաքրքրությունների մասին: Խոսեց ուսուցչի կարևորագույն դերի մասին, կոչ արեց աշակերտներին մասնագիտական ընտրություն կատարել Մանկավարժական համալսարանի օգտին և ապագայում սովորելու համար ընտրել Մանկավարժական համալսարանը:
Աշակերտներ Գեղեցիկը, Սյուզաննան, Արգիշտին, մյուսները հարստացած գիտելիքներով վերադարձան դպրոց:
Սյուզաննա Գասպարյան
4-րդ կուրսի ուսանող
Լուսանկարները՝ Սյուզաննա ԱռաքելՅանի |