Լուսանկարային տեղեկատվություն
ԱՅՑ ԱՐԱՄ ՄԱՆՈՒԿՅԱՆԻ ՇԻՐՄԻՆ
Ավանդույթի համաձայն «Չորեքշաբթի» գրական ակումբի անդամները երրորդ անգամ, «Զորավար» հիմնադրամի նույնանուն հայրենասիրական-կամավորական ջոկատի անդամներն առաջին անգամ Մայիսի 28-ի Անկախության տարեդարձի օրը այցելեցին Երևան քաղաքի Պանթեոն՝ 1918 թ-ի մայիսյան հաղթանակների կերտող, Հայաստանի Առաջին Հանրապետության հիմնադիր Արամ Մանուկյանի շիրմին այցի:
Մանկավարժական համալսարանի գիտական գրադարանի «Չորեքշաբթի» գրական ակումբի հիմնադիր, «Զորավար» հիմնադրամի տնօրեն Տիգրան ՊետրոսՅանցը նշեց, որ աշխատանքները շարունակվում են մեծ հայի՝ Արամ Մանուկյանի մասունքները Կոմիտասի այգու Հայոց մեծերի Պանթեոն տեղափոխելու, Երևանում նրա տան ավերակները պահպանելու, վերականգնելու ու տուն-թանգարան դարձնելու ուղղությամբ:
«Չորեքշաբթի» գրական ակումբի անդամ, Տէր Մեսրոպ քահանա Հունանյանը աղոթքի ծես կատարեց Արամ Մանուկյանի հիշատակին և ոգեկոչելով նրան՝ հավերժություն մաղթեց Հայաստանի Անկախությանը:
Այցելուները խնկաբույրով և երգերով օծեցին Մեծ Հայի շիրիմը: |
