Կ Ո Ղ Մ Ն Ո Ր Ո Շ ՈՒ Մ
Երևան քաղաքի Հարավ-Արևմտյան թաղամասում գտնվող «Երևակ» մասնավոր կրթահամալիրի 9-րդ և 11-րդ դասարանների աշակերտները դասղեկ, Խաչատուր Աբովյանի անվան մանկավարժական համալսարանի պատմության ֆակուլտետի գերազանցիկ շրջանավարտ Անի Ասատրյանի ուղեկցությամբ, մասնագիտական կողմնորոշման ծրագրով, այցելել էին Մանկավարժական համալսարան:
Համալսարանում նրանց տարբեր կառույցներ՝ մանկավարժության ամբիոն, ֆակուլտետներ, թանգարան, ուղեկցում էր Համալսարանի մասնագիտական կրթության և կիրառական մանկավարժության ամբիոնի դասախոս, մանկավարժական գիտությունների թեկնածու, դոցենտ Արուսյակ Հովհաննիսյանը:
Աշակերտները այցելեցին նաև Համալսարանի գիտական գրադարան:
Հումանիտար գրականության ընթերցասրահի կոնֆերանս-դահլիճում նրանց հետ զրուցեց գիտական գրադարանի տնօրեն Տիգրան ՊետրոսՅանցը:
Թե 11-րդ դասարանցիների, թե 9-րդ դասարանցիների հետ անվանական զրույց եղավ: Խոսվեց մասնագիտությունների մասին: Տիգրան ՊետրոսՅանցը թե արդեն կողմնորոշված, թե դեռևս մասնագիտության հարցում չկողմնորոշված 11-րդ դասարանցիներին կոչ արեց մնացած ժամանակում վերանայել իրենց մոտեցումները մասնագիտական ընտրության հարցում և դպրոցն ավարտելուց հետո ուսումը շարունակել Մանկավարժական համալսարանի համապատասխան ֆակուլտետներում:
Հանդիպման ավարտին մասնակիցները լուսանկարվեցին:
Տիգրան ՊետրոսՅանցը դպրոցի գրադարանին նվիրեց իր «1000 հայազգի գեներալներ, ծովակալներ» գիրքը:
Տաթև ԵնոքՅան
Լուսանկարները՝ հեղինակի |