Չորեքշաբթի, 01.12.2021, 08:54
Ցանկ
Հարցումներ
Ինչ գրքեր եք նախընտրում
Всего ответов: 11327
Օնլայն-Օֆլայն

Онлайн всего: 1
Гостей: 1
Пользователей: 0
Մուտքի ձև
free counters
Главная » 2016 » Նոյեմբեր » 1 » Արցախական
13:06
Արցախական

ԱՅՑ ԱՐՑԱԽ

Հոկտեմբերի 8-10-ը Խաչատուր Աբովյանի անվան Մանկավարժական համալսարանի պատվիրակությունը պրոռեկտոր Արմեն Թամազյանի գլխավորությամբ այցելեց Արցախի Հանրապետություն: Այցի նպատակը և գործնական էր, և ճանաչողական: Պատվիրակության կազմում էին լրատվական վարչության պետ Դիանա Մարկոսյանը, գիտական գրադարանի տնօրեն Տիգրան Պետրոսյանցը, մասնագիտական կրթության և կիրառական մանկավարժության ամբիոնի դասախոս, դոցենտ Հակոբ Թադևոսյանը, պարարվեստի մանկավարժության ամբիոնի դոցենտ Գոհար Աբրահամյանը, ուսանողական խորհրդի նախագահ Ներսիկ Մարգարյանը, կուլտուրայի ֆակուլտետի պարարվեստի մանկավարժության և երաժշտության բաժինների, ինչպես նաև այլ ֆակուլտետների չորս տասնյակից ավելի ուսանողներ: 
Խումբը Արցախ մտավ Հայաստանի Գեղարքունիքի մարզի տարածքից՝ Զոդից, և նորակառույց մայրուղով ճանապարհվեց Արցախի մայրաքաղաք Ստեփանակերտ: 
Առաջին օրը խումբը ճանաչողական-մշակութային կանգառներ ունեցավ Դադիվանքում, Գանձասարում, Գանձասարի ձորում՝ Առյուծ արքայի հուշահամալիրում: 
Այցի երկրորդ օրը պատվիրակությունը մասնակցեց Ստեփանակերտի «Վերածննդի» հրապարակում կազմակերպված Բերքի տոնին, որին առանձին տաղավարներով մասնակցում էին երկրի բոլոր համայնքային տնտեսությունները: Միջոցառման սկզբում Հայ Առաքելական եկեղեցու Արցախի թեմի առաջնորդ Պարգև արքեպիսկոպոս Մարտիրոսյանը օրհնեց հայրենի հողի մշակի արտադրած բերքն ու մաղթեց առատություն: Արցախի Հանրապետության Նախագահ Բակո Սահակյանը շրջեց տաղավարներով, ծանոթացավ ներկայացված արտադրատեսակներին: Մանկավարժականի ուսանողներն ազգագրական պարերի շարանով և ազգային երգով բարձրացրեցին ներկաների տրամադրությունը:
Նույն օրվա երկրորդ կեսին պատվիրակությունը այցելեց երկրի հարավային մասում գտնվաղ Մեխակավանի զորամաս: Շարահրապարակում կազմ-պատրաստ կանգնած զինվորները ջերմ ու բարեկամական ողջույնով ընդունեցին հյուր-ուսանողներին: Զինվորներին ուղղված հայրենասիրական խոսք ասաց գիտական գրադարանի տնօրեն, պահեստի փոխգնդապետ Տիգրան Պետրոսյանցը: Ուսանողների մեծագույն մասի համար զինվորների շարային երթը սեփական աչքերով տեսնելու փաստը առաջինն էր: Դրան հաջորդեց զինվոր-ուսանող անջրպետի հաղթահարման գործընթացը: Պարախմբի տղաների կրակոտ, խրոխտ ու աղջիկների նազելի պարը պարահրապարակ կանչեց նաև զինվորներին: Երկկողմանի հուզմունք-սառնությունը հաղթահարվեց ու միասնական պարը շարունակվեց ու վերածվեց տոնախմբության: Ուսանողների բանակումը ավելի գործնական դարձավ զինվորական ճաշարանում, որտեղ նարանց մատուցվեց զինվորական ընթրիք: Ուսանողները դատարկաձեռն չէին եկել զորամաս. Զորամասի գրադարանին նվիրաբերվեց հայ դասականների և հայալեզու շուրջ 400 գեղարվեստական գիրք, քաղցրեղեն, ծխախոտ, սուրճ: Զորամասում ստացած տպավորությունները ուսանողները քննարկում էին թե ճանապարհին, թե Ստեփանակերտում: Նման միջոցառումը ոչ միայն բարձրացնում է ներկաների տրամադրությունը, այլև հայրենասիրություն ու մարտական ոգի է հաղորդում ուսանողներին, ինչն այսօր խիստ անհրաժեշտ է: 
Այցի երրորդ օրը, Արցախի պետական համալսարանի հետ համագործակցության շրջանակում, խումբը այցելեց Արցախի պետական համալսարան: Հյուրերին ընդունեց համալսարանի պրոռեկտոր Վիտյա Յարամիշյանը: Պատվիրակության անդամները եղան համալսարանի զբոսայգում և խոնարհվեցին Արցախյան երկու պատերազմների ընթացքում զոհված ուսանողների պատվին կառուցված հուշահամալիրում: Այնուհետև պատվիրակության անդամները եղան համալսարանի տարբեր կառույցներում՝ գիտական գրադարանում, որին նվիրեցին 2015-2016 թվականներին Մանկավարժական համալսարանի հրատարակած հանդեսներ, դասախոսների հրատարակած դասագրքեր, ձեռնարկներ, մենագրություններ /շուրջ 100 օրինակ/, հայագիտական կենտրոնում, հանդիսությունների դահլիճում: Վիտյա Յարամիշյանը նշեց, որ համալսարանը վերցրել է մանկավարժական ուղղություն և այդ եզրույթով խիստ կարևոր է Խաչատուր Աբովյանի անվան մանկավարժական համալսարանի հետ կապը: Արմեն Թամազյանն իր հերթին արձանագրեց, որ խիստ կարևորում է երկու համալսարանների համագործակցությունը և այսուհետ ևս շարունակվելու են փոխայցելությունները, դասախոսական այցերը և ուսանողների փոխանակությունը:
Նույն օրվա երկրորդ կեսին պատվիրակությունը Արցախի հարավային դարպասով՝ Բերձոր-Գորիս մայրուղով վերադարձավ Երևան:

 

Просмотров: 604 | Добавил: Mankavarj | Рейтинг: 5.0/1
Всего комментариев: 1
0
1 lilit   [Материал]
.....

Имя *:
Email *:
Код *:
Փնտրել
Օրացույց
«  Նոյեմբեր 2016  »
ԵրկԵրքՉրքՀնգՈւբՇբԿր
 123456
78910111213
14151617181920
21222324252627
282930
Արխիվ
Block title
Block content
ԿԱՅՔԻ ՕՊԵՐԱՏՈՐ ԱՐՄԵՆ ԷԴՈՒԱՐԴԻ ՄԿՐՏՉՅԱՆ.e-mail-armen193@mail.ru© 2021 Хостинг от uCoz