Հայաստանասիրություն
ՍՓՅՈՒՌՔԱՀԱՅ ՈՒՍՈՒՑԻՉՆԵՐԸ ԳՐԱԴԱՐԱՆՈՒՄ

Հուլիսի 9-ին Խաչատուր Աբովյանի անվան Մանկավարժական համալսարանի ռեկտոր Ռուբեն Միրզախանյանի հետ հանդիպումից հետո Համալսարանում վերապատում անցնող սփյուռքահայ ուսուցիչները եղան Համալսարանի գիտական գրադարանի հումանիտար գրականության ընթերցասրահում:

Նրանք շրջեցին ընթերցասրահում, ծանոթացան գրադարանի բաց դարակների սկզբունքով ներկայացված գիտական հրատարակություններին:

Գիտական գրադարանի տնօրեն Տիգրան ՊետրոսՅանցը ներկայացրեց գրադարանի պատմությունը և դերը Համալսարանի կրթական և Հայաստանի Հանրապետության գրադարանային համակարգում: Նա սփյուռքահայ ուսուցիչներին հավաստեց, որ գրադարանը, ստեղծված լինելով 1922 թվականին, ոչ միայն ժամանակակից գրակունություն ունի, այլ նաև 5000-ից ավելի հազվադեպ գրքեր: Եվ ցուցադրեց Վենետիկում, Մոսկվայում, Թիֆլիսում, Վաղարշապատում, Երևանում 1826-1890-ական թվականներին տպագրված հայերեն գրքեր: Խոսեց հեղինակների և հենց նրանց ընծայականներով դրանք ժամանակի գրադարան-մատենադարաններին նվիրելու մասին՝ ցուցադրելով ընծայականները: Հետաքրքրություն առաջացրեց հատկապես Շուշի քաղաքում 1840 թ-ին տպագրված գիրքը:

Տիգրան ՊետրոսՅանցը ուսուցիչներից մեկին նվիրեց իր «1100 հայազգի գեներալներ, ծովակալներ» անգլերեն գիրքը:

Սյուզաննա ԱռաքելՅան
Լուսանկարները՝ հեղինակի