Շուշանիկ Նահապետյան
ՀՊՄՀ հատուկ կրթության ֆակուլտետ
3-րդ կուրս
Գնում եմ
Գնում եմ, ինձ չփնտրես,
Գնում եմ անհայտ ուղղությամբ,
Գնում եմ հեռու մի աշխարհ,
Գնում եմ այնտեղ, ուր դու չկաս,
Ուր չկան քո այրող աչքերը,
Ու չկան քո գերող շուրթերը...
Գնում եմ՝ առանց հետ նայելու՛
Գնում եմ այնտեղ, ուր սեր չկա,
Ուր տխրություն և թախիծ չկա,
Ուր չեն հետապնդի քո աչքերը ինձ...
Գնում եմ ու քեզ թողնում եմ մենակ,
Գնում եմ առանց վարանելու...
Գուցե մի օր զղջամ, բայց հետ չեմ դառնա՝
Որ նորից չտանջվեմ,
Որ ամեն երեկո չարտասվեմ,
Որ երազներում քեզ չտեսնեմ,
Որ դու չթագավորես իմ օրերին...
Գնում եմ այնտեղ, ուր թագավորներ չկան,
Ուր միայն ուրախությունն է թագավորում...
Գնում եմ, իջիր գահիցդ և մոռացիր ինձ:
՛՛Մանկավարժական համալսարան՛՛, 18.03.2013 թ., թիվ 4
|
