09.11.2010 թ.

 

     Խաչատուր Աբովյանի անվան ՀՊՄՀ ուսանողական խորհուրդը նոյեմբերի 9-ին, ,,Արամ Խաչատրյան,, համերգասրահում մեծ հանդիսավորությամբ կազմակերպեց ,,Ուսանողի օր,, միջոցառումը: Ներկա էին ՀՊՄՀ գիտական խորհրդի անդամները, բոլոր տաս ֆակուլտետների ուսանողության ներկայացուցիչները, բազմաթիվ հյուրեր:

     Միջոցառման մասնակիցներին ողջունեց ՀՊՄՀ ուսխորհրդի նախագահ Վոլոդյա Գասպարյանը: ՀՊՄՀ ուսանողությանը ողջունեց ուսանողական աշխատանքների գծով ռեկտորի օգնական Էդգար Հովհաննիսյանը: Նա առաջին անգամ լավագույն ուսանողի վկայականներ հանձնեց ֆակուլտետներում լավագույնը ճանաչված ուսանողներին: Վկայականներ և նվերներ ստացան`

Հրանտ Սաֆարյանը` բանասիրական ֆակուլտետ,

Աննա Դավթյանը` մաթեմատիկայի և ինֆորմատիկայի ֆակուլտետ,

Շողիկ Սահակյանը` կենսաբանության, քիմիայի և աշխարհագրության ֆակուլտետ,

Տաթևիկ Հարությունյանը` պատմության և իրավագիտության ֆակուլտետ,

Մանվել Քեշիշյանը` գեղարվեստի ֆակուլտետ,

Անի Հովհաննիսյանը` հոգեբանության և սոցիալական մանկավարժության ֆակուլտետ,

Գոհար Սարգսյանը` կուլտուրայի ֆակուլտետ,

Աստղիկ Բալայանը` ֆիզիկատեխնոլոգիական ֆակուլտետ,

Տաթևիկ Ենոքյանը` ն/դ սկզբնական և հատուկ կրթության ֆակուլտետ,

Լիլիթ Սահակյանը` օտար լեզուների ֆակուլտետ:

     ՀՊՄՀ ուսնողությանը ողջունեց Հայաստանի ուսանողական ասոցիացիայի նախագահ Արմեն Ալեքսանյանը: Նա ասոցիացիայի պատվոգրեր և նվերներ հանձնեց

Տիգրան Խաչատրյանին` պատմության և իրավագիտության ֆակուլտետ,

Դավիթ Ալեքսանյանին` հոգեբանության և սոցիալական մանկավարժության ֆակուլտետ,

Լիանա Մելքոնյանին` կուլտուրայի ֆակուլտետ:

     Առաջին անգամ համահամալսարանական լավագույն ուսանող ճանաչվեց  ն/դ սկզբնական և հատուկ կրթության ֆակուլտետի ուսանողուհի Տաթևիկ Ենոքյանը: Նա արժանացավ Ֆրանսիա մեկնելու ուղեգրի: Ուսանողուհուն վկայականը հանձնեց Վոլոդյա Գասպարյանը:

     Հարուստ ու բազմաբովանդակ էր միջոցառման մշակութային մասը: Ցուցադրվեցին համալսարանում կատարված նկարահանումներ, հետաքրքիր հարցախույզ: Ելույթ ունեցան սիրված երգիչ-երգչուհիներ Ռուբեն Հախվերդյանը, Դավիթ Ամալյանը, Մկրտիչ Մկրտչյանը, Վարդան Բադալյանը, Սարգիս Ավետիսյանը, Սիլվա Հակոբյանը, Արսեն Գրիգորյանը /Ասո/, Մհերը: Պարային համարներ կատարեց ՀՊՄՀ պարարվեստի մանկավարժության ամբիոնի պարային խումբը /ղեկավար Կարեն Գևորգյան/: Ցուցադրվեց Դելֆյան խաղերում ոսկե մեդալի արժանացած պարը:

     Միջոցառումը վարեցին ՀՊՄՀ կուլտուրայի ֆակուլտետի շրջանավարտներ Անի և Արտավազդ Ամիրյանները: