292-ՐԴ ՀԱՆԴԻՊՈՒՄ
2019 թ-ի մարտի 9-ին, շաբաթ օրը, Խաչատուր Աբովյանի անվան հայկական պետական Մանկավարժական համալսարանի գիտական գրադարանի հումանիտար գրականության ընթերցասրահի փոքր սրահում տեղի ունեցավ «Չորեքշաբթի» գրական ակումբի 292–րդ հանդիպումը:
Տիգրան ՊետրոսՅանցը շնորհավորեց հանդիպման կին մասնակիցներին մարտի 8-ի, կանանց միամսյակի առթիվ: Հանդիպման մասնակից Ալլա Մխիթարյանը ներկաներին նվերներ հանձնեց:
Հանդիպման «Ստեղծագործական ժամացույց» բաժնում իրենց ստեղծագործությունները ներկայացրեցին Կարինե Ամիրյանը /«Տաղ գարնանային»/, Աշուղ Աստղանուշը /«Ուր ես, արի, գարուն է» երգը, «Այսօր առաջին օրն է գարնան» բանաստեղծությունը/, Սիրանույշ Գրիգորյանը /«Շունչդ շնչիս»/, Զաբելա Աբելյանը /«Օրը»/, Վարդան Գրիգորյանը /«Միշտ լույս, իմ մայրիկ»/, Հասմիկ Շուշոյանը /«Շքեղ վարդերը»/, Օֆելյա ՍարգաՅանը /«Փոքրիկի զրույցը»/, Ալլա Մխիթարյանը /«Նվիրում»/, Վազգեն Տեր-Հարությունյանը /Սիրանույշի մի բանաստեղծության ռուսերեն թարգմանություն/, Մարիամ Թարվերդյանը /«Իմ երազն էիր»/, Տիրայրը /«Կոմիտասի հետ»/:
Հանդիպումն ամփոփեց Տիգրան ՊետրոսՅանցը:
Լուսանկարը՝ Սյուզաննա ԱռաքելՅանի |