269-ՐԴ ՀԱՆԴԻՊՈՒՄ
2018 թ-ի օգոստոսի 25-ին, շաբաթ օրը, Խաչատուր Աբովյանի անվան հայկական պետական Մանկավարժական համալսարանի գիտական գրադարանի հումանիտար գրականության ընթերցասրահի կոնֆերենս-դահլիճում տեղի ունեցավ «Չորեքշաբթի» գրական ակումբի 269–րդ հանդիպումը:
Տիգրան ՊետրոսՅանցը դասախոսություն կարդաց Արտաշեսյան արքայատան և այդ տան արքաների կտրած հայկական դրամների մասին: Կարդաց հատվածներ իր «Տիգրանական մեկդարյա արքայից արքայություն» դաս-պոեմից:
Հանդիպման «Ստեղծագործական ժամացույց» բաժնում իրենց ստեղծագործությունները ներկայացրեցին Մելսիդա Հակունցը /«Կարոտ»/, Սիրանուշ Գրիգորյանը /«Լիալուսին»/, Վարդան Գրիգորյանը /«Մի նեղվիր», «Քույրս»/, Արմեն Գևորգը /«Խիղճը», «Խառը մտքեր»/, Իշխան Բադալյանը /քառյակներ/, Արմո Առաքելյանը /«Իմ հայրենիքը»/, Զաբելա Աբելյանը /«Սիլվա Կապուտիկյանին», «Փնտրում եմ ինձ»/, Մարիամ Թարվերդյանը /«Ուզում եմ արևը գրկել», «Հայը թուրքին կհրամայի»/, Կարինե Ամիրյանը /«Սիլվա Կապուտիկյանին», «Հանդիպում Լոռվա աշխարհում»/, Տիգրան Պետրոսյանցը /«Նեմրութ», «Եվ այդ օրը կգա»/: Բոլոր ստեղծագործությունների շուրջ ծավալվեց օգտակար քննարկում:
Տիգրան ՊետրոսՅանցի առաջարկով հանդիպումն ամփոփեց Մարիամ Թարվերդյանը:
Տիգրան ՊետրոսՅանցը գրքեր նվիրեց Մարիամ Թարվերդյանին և Սիրանույշ Գրիգորյանին:
Սյուզաննա ԱռաքելՅան
Լուսանկարները՝ Նանա Մկրտյանի և Սյուզաննա Առաքելյանի |