268-ՐԴ ՀԱՆԴԻՊՈՒՄ
2018 թ-ի օգոստոսի 18-ին, շաբաթ օրը, Խաչատուր Աբովյանի անվան հայկական պետական Մանկավարժական համալսարանի գիտական գրադարանի հումանիտար գրականության ընթերցասրահի կոնֆերենս-դահլիճում տեղի ունեցավ «Չորեքշաբթի» գրական ակումբի 268–րդ հանդիպումը:
Տիգրան ՊետրոսՅանցը խոսք ասաց նախորդ շաբաթվա ընթացքում երկրում ծավալված գործընթացների մասին:
Հանդիպման «Ստեղծագործական ժամացույց» բաժնում իրենց ստեղծագործությունները ներկայացրեցին Մարգարիտ Հովսեփյանը /«Խիղճը»/, Մելսիդա Հակունցը /«Անտեր շան պես»/, Ռիմա Սիմոնյանը /«Ցանկություն»/, Վարդան Գրիգորյանը /«Զորեղ իմ երկիր»/, Սիրանուշ Գրիգորյանը /«Օրհներգ»/, Արմեն Գևորգը /«Հայաստանիս համար ամեն ինչ կանեմ»/, Իշխան Բադալյանը /մի տողով/, Աշուղ Աստղանուշը /«Խմենք հայոց ազգի կենացը»/, Մարիամ Թարվերդյանը /«Հայաստան»/, Տիրայրը /Վլադ Հախումյան, «Հին երևան»/, Լուսինե Հարությունյանը /«Իրապատում», «Քո աշխարհը դուստեղծիր»/: Բոլոր ստեղծագործությունների շուրջ ծավալվեց օգտակար քննարկում:
«Մշակութային լուսանցք» բաժնում Մարգարիտ Հովսեփյանը կատարեց «Նախագահի կին եմ ես» երգը:
Հանդիպումն ամփոփեց Տիգրան ՊետրոսՅանցը: |