247-ՐԴ ՀԱՆԴԻՊՈՒՄ
2018 թ-ի փետրվարի 3-ին, շաբաթ օրը, Խաչատուր Աբովյանի անվան հայկական պետական Մանկավարժական համալսարանի գիտական գրադարանի հումանիտար գրականության ընթերցասրահի կոնֆերենց-դահլիճում տեղի ունեցավ «Չորեքշաբթի» գրական ակումբի 247–րդ հանդիպումը:
Տիգրան ՊետրոսՅանցը խոսեց «Չորեքշաբթի» գրական ակումբի անցած ուղու, ապագայի մասին:
Հանդիպման «Ստեղծագործական ժամացույց» բաժնում իրենց ստեղծագործությունները ներկայացրեցին Զաբել Աբելը /«Ծով լիներ», «Ուշ է», «Այս գիշեր»/, Մելսիդա Հակունցը /«Քո և իմ ափերի մեջ»/, Վարդան Գրիգորյանը /«Թող ճանաչեմ»/, Լուսինե Հարությունյանը /«Հարց ու պատասխան», «Դուռը փակեք»/, Հովհաննես Սևակը /«Ողջույն իմ հեռակա հուշ»/, Մամիկոն Հովհաննիսյանը /«Մարդու մեկը», «Չեմ տենչում նոր օրեր», «Փաթիլները»/, Մադոննա Մարտիրոսյանը /«Մարդը»/: Բոլոր ստեղծագործությունների շուրջ ծավալվեց օգտակար քննարկում:
«Մշակութային լուսանցք» բաժնում Հովհաննես Սևակը, Մարի Արշակյանը. Սյուզաննա Առաքելյանը կատարեցին հայկական ժողովրդական, ազգագրական, հայրենասիրական երգեր:
Հանդիպումն ամփոփեց Տիգրան ՊետրոսՅանցը:
Սյուզաննա ԱռաքելՅան
Լուսանկարը՝ հեղինակի |