225-ՐԴ ՀԱՆԴԻՊՈՒՄ
2017 թ-ի սեպտեմբերի 2-ին, շաբաթ օրը, Խաչատուր Աբովյանի անվան հայկական պետական Մանկավարժական համալսարանի գիտական գրադարանի հումանիտար գրականության ընթերցասրահի կոնֆերենց-դահլիճում տեղի ունեցավ «Չորեքշաբթի» գրական ակումբի 225–րդ հանդիպումը:
Տիգրան ՊետրոսՅանցը սեպտեմբերի 1-ի, դպրոցական ուսումնական տարվա սկսվելու առիթով շնորհավորեց հանդիպման ուսանող և ծնող մասնակիցներին: Օրվա կապակցությամբ խոսք ասացին հանդիպման քսանից ավելի անդամներ:
Տիգրան ՊետրոսՅանցը ներկայացրեց հանդիպման հյուր, Ջերմուկի քաղաքային գրադարանի աշխատակից Հասմիկ Սահակյանին և ակումբի նորել, Խոր Վիրապի դպրոցի շրջանավարտ Լիաննա Պետրոսյանին /Մամայի աղջիկ/: Հասմիկ Սահակհանը գրադարանին հանձնեց Ջերմուկի գրադարանի տնօրեն Զեմֆիրա Սարգսյանի հեքիաթների 5 գիրք: Տիգրան ՊետրոսՅանցը Ջերմուկի գրադարանին նվիրեց 10 օրինակ նոր գրքեր:
Տիգրան ՊետրոսՅանցը Սևակ Հովհաննիսյանի անուն-ազգանունը հատելով նրան գրական անուն նշեց ՀՈՎՀԱՆՆԵՍ ՍԵՎԱԿ: Նա ասաց, որ ինչ խոսք խիստ պատասխանատու է Ռուբեն Սևակից, Պարույր Սևակից և մեկ տասնյակից ավելի ուրիշ Սևակ-ներից հետո կրել այդ անունը, բայց մեր ճանաչած Սևակ Հովհաննիսյանը պատվով կկրի այդ անունը և արժանի կլինի այդօրինակ գրական մկրտությանը:
Հանդիպման «Ստեղծագործական ժամացույց» բաժնում իրենց ստեղծագործությունները ներկայացրեցին Հասմիկ Սահակյանը/ընթերցեց Ջերմուկի քաղաքային գրադարանի տնօրեն Զեմֆիրա Սարգսյանի բանաստեղծությունը/, Մելսիդա Հակունցը /«Գալիքի ճամփան»/, Վարդան Գրիգորյանը /«Դպրոց պիտ գնաս»/, Լուսինե Հարությունյանը /«Հասմիկը»/, Տարոն Գրիգորյանը /«...», «Արևամուտ»/, Իշխան Բադալյանը /քառյակներ/, Աննա Թադևոսյանը /«Լռություն է տիրում»/, Լիաննա Պետրոսյանը /«Իմ տունն եմ ուզում»/, Անի Պետրոսեանը /«Դու»/, Օֆելյա ՍարգսՅանը /«Դեսից դենից»/, Մադոնա Մարտիրոսյանը /«Զինվորիս»/, Արմենուհի ԹամոՅանը /«Տեսնես»/: Բոլոր ստեղծագործությունների շուրջ ծավալվեց օգտակար քննարկում:
«Մշակութային լուսանցք» բաժնում հանդիպման մասնակիցներից Անին, Արմենուհին, Սևակը, Տարոնը, Վարդանը,Մելսիդան, Լիաննան կարդացին մեկական բանաստեղծություն:
Արմենուհի ԹամոՅանը Սևակ Հովհաննիսյանի դաշնամուրային նվագակցությամբ կատարեց հայրենասիրական երգեր:
Տիգրան ՊետրոսՅանցը ջերմորեն շնորհավորեց Արմենուհի Թամոյանին ծննդյան տարեդդարձի առթիվ և մաղթեց հաջողություններ: Մաղթանքին միացան հանդիպման բոլոր մասնակիցները:
Հանդիպումն ամփոփեց Տիգրան ՊետրոսՅանցը:
Տաթև Ենոքյան
Լուսանկարները՝ հեղինակի |