166-ՐԴ ՀԱՆԴԻՊՈՒՄ
2016 թ-ի հունիսի 25-ին, շաբաթ օրը, Խաչատուր Աբովյանի անվան հայկական պետական մանկավարժական համալսարանի գիտական գրադարանի հումանիտար գրականության ընթերցասրահում տեղի ունեցավ «Չորեքշաբթի» գրական ակումբի 166–րդ հանդիպումը:
Հանդիպման սկզբին Տիգրան ՊետրոսՅանցը խոսեց իր և «Մշակույթի ֆոնդ»-ի նախագահ Արևշատ Ավագյանի հանդիպման մասին, նշեց որ կա երկուստեք համագործակցության դաշտ և աշխատանքներ կազմակերպելու հնարավորություն:
Տիգրան ՊետրոսՅանցը «Չորեքշաբթի» գրական ակումբի անդամի վկայական հանձնեց Աիդա Ադամյանին:
Տիգրան ՊետրոսՅանցը, որպես ակումբի հիմնադիր-ղեկավար, շնորհավորեց ակումբի անդամ Մարինե Հակոբյանին՝ օրերս հրատարակած «Լռության ձայնը» բանաստեղծական գրքի համար: Նրա առաջարկով ներկաները, պատահականության սկզբունքով, մեկական ստեղծագործություն կարդացին գրքից: Որոշվեց գրքի մեծ շնորհանդեսը իրականացնել հաջորդ շաբաթ օրը՝ գրական ակումբի 167-րդ հանդիպման ժամանակ:
Հանդիպման «Ստեղծագործական ժամացույց» բաժնում իրենց նոր ստեղծագործությունները ներկայացրեցին Մարինե Հակոբյանը /«Ծիածանվել են»/, Մարգարիտ Հովսեփյանը /«Դավիթիկը», «Ջորջիկը»/, Վարդան Գրիգորյանը /«Թթենի լինեի», «Հայրենիքիս»/, Հրաչյա Հարությունյանը /Բանակ եմ գնում/, Սևակ Հովհաննիսյանը /«Անձրևը դյութական»/. Իշխան Բադալյանը /«Ավետյաց երկիր», «Բարձրացրու խաչը»/, Սյուզաննա Առաքելյանը /«Խոհեր»/, Աննա Թադևոսյանը /«Մոխրագույն քթիկով սպիտակ մուկը»/, Ալ-Վարդը /Ալվարդ Հարությունյան, «Մի լավ ժպտա»/, Արեվվան /Արփինե Լազարյան, «Երեկ», «Կոկաին»/, Մհեր Խեչոյանը /«Սուրբ Հայաստան»/, Հմայակ Մկրտչյանը /«Մի ծաղկեփունջ»/, Աիդա Ավդալյանը /«100 տարին ակնթարթ», «Պապիս հուշերը»/: Բոլոր ստեղծագործությունների շուրջ ծավալվեց օգտակար քննարկում:
Հանդիպման «Մշակութային լուսանցք» բաժինում Տիգրան ՊետրոսՅանցը ցուցադրեց Մարիամ Գրիգորյանի նոր նկարը, որը Վան Գոգի հայտնի նկարի վերարտադրությունն էր և առաջին անգան Մարիամի կողմից իրականացված յուղաներկով /հեղինակը այն սիրով նվիրեց Հմայակ Մկրտչյանին/: Վարդան Գրիգորյանը, Սյուզաննա Առաքելյանը, Մարինե Հակոբյանը, Ալ-Վարդը ներկայացրեցին մեկական բանաստեղծություն: Սյուզաննա Առաքելյանը, Հմայակ Մկրտչյանը, Մարին Հակոբյանը կատարեցին հայկական ժողովրդական երգեր:
Հանդիպումն ամփոփեց Տիգրան ՊետրոսՅանցը: |