163-ՐԴ ՀԱՆԴԻՊՈՒՄ
2016 թ-ի հունիսի 4-ին, շաբաթ օրը, Խաչատուր Աբովյանի անվան հայկական պետական մանկավարժական համալսարանի գիտական գրադարանի հումանիտար գրականության ընթերցասրահում տեղի ունեցավ «Չորեքշաբթի» գրական ակումբի 163–րդ հանդիպումը:
Հանդիպման «Ստեղծագործական ժամացույց» բաժնում իրենց նոր ստեղծագործությունները ներկայացրեցին Մարինե Հակոբյանը /«Կյանք»/, Մարգարիտ Հովսեփյանը /«Խոցված սիրտը»/, Ազնիվ Պետրոսյանը /«Մեծ Հայաստանս»/, Սևակ Հովհաննիսյանը /«Գիշերային նամակ»/, Թամարա Նահապետյանը /«Թող որ»/, Վարդան Գրիգորյանը /«Երկրակարոտ»/, Սյուզաննա Առաքելյանը /«Մի լքված փողոց», «Կյանքը»/, Իշխան Բադալյանը /«Կենաց ծառի պտուղները»/, Գայանե Ղազարյանը /«Քեզանից հետո»/, Տարոն Գրիգորյանը /«Հայրենիք»/, Լուսինե Հակոբյանը /«Գարուն»/, Տեր Մեսրոպ Հունանյանը /«Կյանք»/, Ալ-Վարդը /Ալվարդ Հարությունյան, «Հիշողությանս բաժակը», «Արի, արի, մի կանգնիր»/: Բոլոր ստեղծագործությունների շուրջ ծավալվեց օգտակար քննարկում:
Հանդիպման «Մշակութային լուսանցք» բաժինում Վարդան Գրիգորյանը, Ազնիվ Պետրոսյանը, Մարինե Հակոբյանը, Տարոն Գրիգորյանը ներկայացրեցին մեկական բանաստեղծություն: Արմենուհին, Տաթև Ենոքյանը կարդացին Պարույր Սևակի, Վահան Տերյանի, Գևորգ Էմինի ստեղծագործություններից: Սևակ Հովհաննիսյանի դաշնամուրային կատարմամբ Սյուզաննա Առաքելյանը կատարեց «Յարը յարա կտա» երգը:
Հանդիպումն ամփոփեց Տիգրան ՊետրոսՅանցը: |