ՀԱՆԴԻՊՈՒՄ ԴՊՐՈՑԱԿԱՆՆԵՐԻ ՀԵՏ
Խաչատուր Աբովյանի անվան հայկական պետական մանկավարժական համալսարանի Պատմության և իրավագիտության ֆակուլտետի հայ ժողովրդի պատմության ամբիոնի դասախոսներ, պատմական գիտությունների թեկնածուներ Մարիամ Եղյանի, Սուսաննա Խաչատրյանի նախաձեռնությամբ Մանկավարժական համալսարան էին եկել Երևանի թիվ 106 դպրոցի 7-8-րդ, թիվ 119-րդ դպրոցի 10-11-րդ, թիվ 182 դպրոցի 11-12-րդ, Թոփովենցի անվան թիվ 57-րդ դպրոցի 8-րդ դասարանների աշակերտներ, այդ դպրոցների ուսուցիչներ: Դասախոսների, համալսարանի պատմության ֆակուլտետի ուսանողների ուղեկցությամբ նրանք եկան ՀՊՄՀ գիտական գրադարանի հումանիտար գրականության ընթերցասրահ:
Գիտական գրադարանի տնօրեն Տիգրան ՊետրոսՅանցը համառոտ ներկայացրեց համալսարանի և գրադարանի պատմությունը, խոսեց ներկա փուլում ձեռքբերումների, անելիքների մասին: Նա դպրոցականներին ներկայացրեց գրադարանի այն հնարավորությունները, որով գրադարանը նպաստում է ուսանողներին ուսումնառության ամբողջ ժամանակում հիմնարար գիտելիքներ ստանալու գործում: Դպրոցականներին ներկայացվեցին ինչպես դասական գրքային պաշարները, այնպես էլ գրադարանի էլեկտրոնային հնարավորությունները:
Տիգրան ՊետրոսՅանցը խոսեց համալսարանի նշանավոր շրջանավարտների մասին և կոչ արեց դպրոցականներին հետևել նրանց օրինակին և դպրոցն ավարտելուց հետո ուսումը շարունակել Մանկավարժական համալսարանում:
|