Ռուսաստանի Դաշնության կառավարության հովանավորությամբ Մոսկվայում կայացել է վավերագրական ֆիլմերի 16-րդ միջազգային "Ռադոնեժ" կինոփառատոնը: Հայաստանի Հանրապետությունից փառատոնին մասնակցել է "Հայկական հաց" ֆիլմը /ռեժիսոր Արմեն Գասպարյան, օպերատոր, Խաչատուր Աբովյանի անվան հայկական պետական մանկավարժական համալսարանի Հեռուստառեժիսուրայի, օպերատրության և գեղարվեստական լուսանկարչության ամբիոնի դասախոս Գագիկ Հովհաննեսի Հարությունյան/: Ֆիլմը "Լավագույն օպերատորական աշխատանք" անվանակարգում արժանացել է գլխավոր մրցանակի: Սա վերջին տարիներին հայկական կինոարտադրությունում օպերատորական աշխատանքի համար տրված բարձրագույն պարգևն է: Պարգևը Գ.Հարությունյանին կհանձնվի հաջորդ տարվա հունվարի կեսերին Երևանում: Հաջողություն մաղթենք մեր գործընկերոջը` Գագիկ Հարությունյանին և ցանկանք, որ 2012 թվականին արժանանա նոր պարգևների:
