Ոչինչ չի մոռացվել
Ոչ ոք չի մոռացվել
ՀԱՂԹԱՆԱԿԻ 70 ՏԱՐԻ
Խաչատուր Աբովյանի անվան հայկական պետական մանկավարժական համալսարանի գիտական գրադարանի հումանիտար գրականության ընթերցասրահի ցուցադարակում իրար են հաջորդում ցուցադրությունները:
Հայոց ցեղասպանության առթիվ շուրջ քսան օր ցուցադրվում էին թեման ներկայացնող ավելի քան 200 գիրք: Դրան մեկ շաբաթով հաջորդեց Նոր գրքեր ցուցադրությունը /ներկայացվեցին վերջին ամսվա ընթացքում գրադարանի ձեռք բերած ավելի քան 180 անուն նոր գրքերը/:
Մայիսի 5-ին բացվեց նոր ցուցադրություն՝ Ոչինչ չի մոռացվել, ոչ ոք չի մոռացվել խորագրով:
Նոր ցուցադրությունը նվիրված է խորհրդային ժողովրդի գերմանական ֆաշիզմի դեմ տարած հաղթանակի 70-ամյակին: Մեկ բաժնով ներկայացված են խորհրդային զորահրամանատարների, հաղթանակի զինվորների մասին պատմող ռուսերեն և հայերեն գրքերը, մյուս բաժնում խորհրդային բանակի կազմում մարտնչած հայկական դիվիզիաների, հաղթանակի հայ զորահրամանատարների մասին հայերեն տպագրված գրքերը, զորահրամանատարների հուշերը, հաղթանակի հուշարձաններին նվիրված ալբոմները: Այստեղ Խորհրդային Միության մարշալ Հովհաննես Բաղրամյանի, ծովակալ-մարշալ Հովհաննես Իսակովի, ավիացիայի մարշալ Արմենակ Խանֆերյանցի, զրահատանկային զորքերի գլխավոր մարշալ Համազասպ Բաբաջանյանի մասին գրքերն են, նրանց մասին մենագրությունները, նրանց հուշերը:
Ներկայացված են թեմայի վերաբերյալ ավելի քան 200 գրքեր: |