Ասուլիս «ՏԵՍԱԿԵՏ» ակումբում
«ՄԵՔ ԴԵՌ ԳԱԼՈՒ ԵՆՔ»
Ցեղասպանության 100-ամյա տարելիցի առթիվ «ԶՈՐԱՎԱՐ» հիմնադրամը և Երևանի կամերային թատրոնում գործող «ԵՐԿԱԹ» մշակութային կազմակերպությունը Երևանի կամերային թատրոնի դահլիճում ապրիլի 28-ին կազմակերպում են «Մենք դեռ գալու ենք» գրական-երաժշտական երեկո, որի ընթացքում իրականացվելու է «Հայ ժողովուրդի վրիժառու բազուկը. Սողոմոն Թեհլիրյան» մեդալների տվչություն «Նեմեսիսից» սկսյալ բոլոր հայ վրիժառուներին:
Միջոցառման առիթով ապրիլի 15-ին «ՏԵՍԱԿԵՏ» մամուլի ակումբում կազմակերպվեց ասուլիս: Ակումբի նախագահ, «Հաճըն» հայրենակցական միության ատենապետ Հովհաննես Գրիգորյանը ներկայացրեց բանախոսներին՝ «ԶՈՐԱՎԱՐ» հիմնադրամի տնօրեն, Մանկավարժական համալսարանի գիտական գրադարանի տնօրեն Տիգրան ՊետրոսՅանցին և «ԵՐԿԱԹ» մշակութային կազմակերպության հիմնադիր Սիլվա Կարապետյանին:
Տիգրան ՊետրոսՅանցը հանգամանորեն ներկայացրեց միջոցառման սցենարը, խոսեց միջոցառման հղացման և դրա դաստիարակչական արժեքի մասին, ներկայացրեց կատարողներին: Սիլվա Կարապետյանը նշեց, որ սիրով է միջոցառման համար թատրոնի հնարավորությունները տրամադրում, քանի որ միայն այդպես է հնարավոր երիտասարդությանը հայրենասիրության դասեր տալ:
Բանախոսները և միջոցառման կազմակերպիչներից բանաստեղծ Հովհաննես Շանթը պատասխանեցին լրագրողներին հետաքրքրող հարցերին:
Ասուլիսի սկզբում և վերջում առաջին անգամ հնչեց Հայաստանի ազատագրության հայ գաղտնի բանակի մարտիկներին նվիրված երգը՝ «Ձեզնով սկսվեց» /տեքստը՝ Տիգրան ՊետրոսՅանցի, երաժշտությունը՝ Լիլիթ Համբարձումյանի/: |
