ԳՐՔԵՐ ՀՊՄՀ ԳՐԱԴԱՐԱՆԻՆ
24.09.2012 թ.
Ամերիկահայ մտավորական Հովսեփ Նալբանդյանը օրեր առաջ նամակով հայտնել էր, որ գրքերի մի խմբաքանակ է նվիրելու ՀՊՄՀ գիտական գրադարանին: Եվ սպասեցնել չտվեց՝ 41 անուն գրքերն այսօր ստացվել են:Խիստ արժեքավոր նվիրատվություն է, քանի որ ուղարկված գրքերի 80 տոկոսը տպագրված է Լոս-Անջելեսում, և մեծ հավանականությամբ երբևէ չէինք կարող ունենալ, եթե չլիներ այս նվիրատվությունը:Գրքերից երկուսի՝ ՛՛Հայոց լեզու՛՛ և Հովհաննես Շիրազի ՛՛Հայոց դանթեականը՛՛ /տպագրված 2012 թվականին/ կազմողը հենց ինքը նվիրատուն Է՝ Հովսեփ Նալբանդյանը: Արժեքավոր են Կարո Պետրոսյանի ՛՛Հայաստանեայց եկեղեցվոյ տօներ եւ ազգային աւանդութիւններ՛՛ /2011 թ./ գիրքը և Եփրեմ արքեպիսկոպոս Թապագյանի կազմած ՛՛Շարական՛՛ հատորը /2011 թ., ավելի քան 1000 էջ/:Մասնագետների համար աղբյուրային արժեք ունեն Դավիթ Բեկի ՛՛Ընտիր պատմություն՛՛ /1988 թ./ և Արմեն Տոնոյանի խմբագրած ՛՛Հերոսամարտներ-արդարահատոյց՛՛ /1985 թ./ գրքերը:Կան նաև գեղարվեստական գրքեր: Դրանցից նշենք Վահրամ Հաճյանի ՛՛Ադամամութ՛՛ /1995 թ./ և ՛՛Գնչուհին ճիշտ էր գուշակել՛՛ /2000 թ./ Ա և Բ հատորները:Ուրախալի նորություն էին ՀՊՄՀ մանկավարժության ֆակուլտետի շրջանավարտ Վիկտորիա Սանասարյանի գրքերը: Նա ներկայումս բնակվում է Լոս-Անջելեսում: Այսուհետ գրադարանում կլինեն նրա ՛՛Հուսո պաստառ՛՛ /1995 թ./, ՛՛Խաչ հանված հավատ՛՛ /1997 թ./, ՛՛Անդունդի եզրին՛՛ /2000 թ./, ՛՛Երբ գունատ էին լուսաբացերը՛՛ /2000 թ./, ՛՛Հայի գենը անմեռ է՛՛ /2009 թ./, ՛՛A piece of hope'' /2011 թ./ գրքերը:Հովսեփ Նալբանդյանի նվիրատվությունը արժեքավոր է և արժանի է դրվատանքի:Սեփական լրատվություն
|